കാലാവസ്ഥ ഭീഷണി ; കരിപ്പൂരില്‍ എയര്‍ ഇന്ത്യ എക്‌സ്പ്രസ് വിമാനങ്ങള്‍ വൈകുന്നു യാത്രക്കാർ പ്രതിഷേധത്തിൽ

കോഴിക്കോട്: കാലാവസ്ഥ ഭീഷണിയായതോടെ വിമാനങ്ങള്‍ സമയത്ത് ഇറക്കാൻ പറ്റാതെ വൈകുന്നു. കരിപ്പൂരില്‍ നിന്നും മസ്‌കറ്റിലേക്കും അബുദാബിയിലേക്കും പോകേണ്ട എയര്‍ ഇന്ത്യാ എക്‌സ്പ്രസ് വിമാനങ്ങളാണ് കാലാവസ്ഥയെ തുടർന്ന് വൈകുന്നത്. അതിനാൽ യാത്രക്കാര്‍ പ്രതിഷേധിക്കുകയാണ്.

കാലാവസ്ഥ ദുരിതം വിതച്ചതോടെ യാത്രക്കാർക്ക് വേണ്ട ഭക്ഷണവും വെള്ളവും താമസസൗകര്യവും ഒരുക്കിയിട്ടില്ലായെന്നാണ് യാത്രക്കാര്‍ പറയുന്നത്. ഇന്നലെ രാത്രി 11.10ന് പുറപ്പെടേണ്ടിയിരുന്നതായിരുന്നു മസ്‌കറ്റിലേക്കുള്ള എയര്‍ ഇന്ത്യാ എക്‌സ്പ്രസ് വിമാനം. ഇതിൽ
നൂറിലധികം യാത്രക്കാരാണ് പ്രതിഷേധിക്കുന്നത്.

കാലാവസ്ഥയെ തുടർന്ന് വിമാനം നാല് മണിക്കൂര്‍ വൈകുമെന്നായിരുന്നു ആദ്യം അറിയിച്ചിരുന്നത്. പിന്നീട് നീണ്ടുപോവുകയായിരുന്നുവെന്നും യാത്രക്കാര്‍ പറയുന്നത് .