കാട്ടാക്കട മായ മുരളി കൊലപാതക കേസ് : പ്രതി പിടിയിൽ

തിരുവനന്തപുരം: കാട്ടാക്കടയിലെ മായാ മുരളി കൊലപാതകക്കേസിലെ പ്രതി പോലീസ് പിടിയിലായി. യുവതിയെ കൊലപ്പെടുത്തിയ പങ്കാളി രഞ്ജിത്തിനെയാണ് തമിഴ്നാട്ടിൽ നിന്ന് ഷാഡോ പൊലീസ് സംഘം അറസ്റ്റ് ചെയ്തത് .

മെയ് 8 നാണ് മുതിയാവിള കാവുവിളയിൽ വാടകയ്ക്കു താമസിച്ചിരുന്ന വീടിനടുത്തെ റബ്ബർപുരയിടത്തിൽ രാവിലെ മായാ മുരളിയെ കൊല്ലപ്പെട്ടനിലയിൽ പോലീസ് കണ്ടെത്തിയത് . സംഭവം നടന്നതിന് ശേഷം രക്ഷപ്പെട്ട ഓട്ടോ ഡ്രൈവറായ രഞ്ജിത്തിനെ അന്നുമുതൽ കാണാതായിരുന്നു. മായ മരിച്ചത് രഞ്ജിത്തിന്റെ മർദനമേറ്റാണ് എന്നാണ് പോലിസിന്റെ കണ്ടെത്തൽ. ഒടുവിൽ തെളുവുകളുടെ അടിസ്ഥാനത്തിൽ പൊലീസ് സംഘം ഇയാൾക്കെതിരെ അന്വേഷണം ആരംഭിക്കുകയായിരുന്നു

എട്ട് വർഷം മുമ്പാണ് മായയുടെ ഭർത്താവ് മരിച്ചത് . അതിന് ശേഷം മായ രഞ്ജിത്തിനൊപ്പമായിരുന്നു താമസം. അന്നുതൊട്ട് രഞ്ജിത്ത് ക്രൂരമായി മർദിക്കാറുണ്ടായിരുന്നതായി ബന്ധുക്കൾ പൊലീസിനു മൊഴി നിൽകിയിട്ടുണ്ട്