നാലാം​ഗ ക്വട്ടേഷന്‍ സംഘം വയനാട്ടില്‍ പോലീസിന്റെ പിടിയിലായി

കൽപ്പറ്റ: കൊച്ചിയിലെ ഒട്ടനവധി ക്രിമിനല്‍ കേസുകളിലെ പ്രതികളായ നാലാം​ഗ ക്വട്ടേഷന്‍ വയനാട്ടില്‍ വെച്ച്
പോലീസിന്റെ പിടിയിലായി. എറണാകുളം സ്വദേശികളായ നാല് പേരാണ് വൈത്തിരി പൊലീസിന്റെ പിടിയിൽ ആയത് .

എറണാകുളം മുളന്തുരുത്തി ഏലിയാട്ടേല്‍ വീട്ടില്‍ ജിത്തു ഷാജി, ചോറ്റാനിക്കര വാഴപ്പറമ്പില്‍ വീട്ടില്‍ അലന്‍ ആന്റണി, പറവൂര്‍ കോരണിപ്പറമ്പില്‍ വീട്ടില്‍ ജിതിന്‍ സോമന്‍, ആലുവ അമ്പാട്ടില്‍ വീട്ടില്‍ രോഹിത് രവി എന്നിവരെ ഞായറാഴ്ച പുലര്‍ച്ചെ രണ്ടരയോടെ ലക്കിടി സ്‌കൂളിന് സമീപത്ത് നിന്നാണ് പൊലീസ് പിടിച്ചത് . ഇതിൽ നാലം‍​ഗ സംഘത്തിലെ മൂന്നുപേര്‍ കൊലപാതകം, വധ ശ്രമം, മോഷണം ഉള്‍പ്പെടെ നിരവധി ക്രിമിനല്‍ കേസുകളില്‍ പ്രതികളാണ്.