അതിഥിത്തൊഴിലാളിയായ ഗൃഹനാഥയ്ക്കു പീഡനം: പ്രതിയെ പൊലീസ് അറസ്റ്റ് ചെയ്തു

രാജാക്കാട് : വിരുന്നിനെത്തിയ വീട്ടിലെ അതിഥിത്തൊഴിലാളിയായ ഗൃഹനാഥയെ പീഡിപ്പിച്ചു
ദൃശ്യങ്ങൾ ഫോണിൽ പകർത്തിയ കേസിൽ ബന്ധുവായ യുവാവിനെ പാെലീസ് അറസ്റ്റ് ചെയ്തു .ബംഗാൾ ബിശ്വേശ്വർപുർ സ്വദേശിയായ ഇരുപത്തിരണ്ടുകാരനെയാണ് രാജാക്കാട് പാെലീസ് അറസ്റ്റ് ചെയ്തത് .

രാജാക്കാട് എസ്എച്ച്ഒ അജയ് മോഹൻ, ഗ്രേഡ് എസ്ഐ സജി എൻ.പോൾ, എസ്‌സിപിഒ ബി.ആർ.ബിനോജ് എന്നിവരുടെ നേതൃത്വത്തിലുള്ള സംഘo ബിശ്വേശ്വർപ്പുറിൽ നിന്നാണ് പ്രതിയെ പിടികൂടി കേരളത്തിലേക്ക് എത്തിച്ചത് .

പ്രതിയായ ഇരുപത്തിരണ്ടുകാരൻ കഴിഞ്ഞ 18നാണ് ബൈസൺവാലിയിൽ അതിഥിത്തൊഴിലാളികളായ ദമ്പതികളുടെ വീട്ടിലെത്തിയത്. ആ സമയത്ത്‌ ഭർത്താവ് ജോലിക്കു പോയത് മനസിലാക്കിയ പ്രതി ഗൃഹനാഥയെ പീഡിപ്പിച്ച് ചിത്രങ്ങൾ ഫോണിൽ പകർത്തി നാട്ടിലുള്ള സുഹൃത്തുക്കൾക്ക് അയച്ചു കൊടുത്തു . 27ന് ദമ്പതികൾ രാജാക്കാട് പാെലീസിൽ പരാതി നൽകി.സംഭവത്തിനു ശേഷം കടന്നുകളഞ്ഞ പ്രതി ബംഗാളിലേക്കു മടങ്ങുകയായിരുന്നു. പ്രതിയെ ഇന്ന് കോടതിയിൽ ഹാജരാക്കും.