ശബരിമലയിൽ ദർശനത്തിന് അഞ്ചുലക്ഷത്തിലധികം ഭക്തർ കൂടുതലായി എത്തി

പത്തനംതിട്ട : ശബരിമലയിൽ തീർഥാടകരുടെ എണ്ണത്തിൽ വൻവർധന. കഴിഞ്ഞ സീസണേക്കാൾ അഞ്ചുലക്ഷത്തിലധികം ഭക്തർ കൂടുതലായി എത്തി.

സ്പോട്ട് ബുക്കിംഗ് വഴിയെത്തിയവരുടെ എണ്ണം ഒരുലക്ഷം കടന്നു. 12 ദിവസത്തിനിടെ 9 ലക്ഷം തീർഥാടകരാണ് ദർശനം നടത്തിയത്. ഇന്നും രാവിലെ മുതൽ തീർഥാടകരുടെ തിരക്ക് തുടരുകയാണ്.

അതേസമയം പന്ത്രണ്ടു വിളക്കിന്റെ ദീപപ്രഭയിൽ ഇന്നലെ വൈകിട്ട് ആയിരകണക്കിന് ഭക്തരാണ് എത്തിയത്. പന്ത്രണ്ടു വിളക്ക് കഴിയുന്നതോടെ മലയാളികളടക്കമുള്ള തീര്‍ത്ഥടകരുടെ എണ്ണത്തില്‍ ഇനി വര്‍ദ്ധന ഉണ്ടാകും.