പനി ബാധിച്ച് ബഹ്റൈനിൽ ചികിത്സയിലായിരുന്ന മലയാളി മരിച്ചു

മനാമ: ബഹ്റൈനിൽ പനി ബാധിച്ച് ഒരാഴ്ചയായി ചികിത്സയിലായിരുന്ന മലയാളി മരിച്ചു. ചങ്ങനാശേരി സ്വദേശിനിയായ ടിന കെൽ‌വിനാണ് (34)ബഹ്‌റൈൻ സൽമാനിയ ആശുപത്രിയിൽ നിര്യാതയായത്.

ബഹ്‌റൈനിൽ കുടുംബസമേതം താമസിച്ചു വരികയായിരുന്നു. റോയൽ കോർട്ടിൽ എഞ്ചിനിയർ ആയി ജോലി ചെയ്യുന്ന കെൽ‌വിൻ ആണ് ഭർത്താവ്. രണ്ട് ആണ്‍മക്കളുണ്ട്. ഇവര്‍ ബഹ്‌റൈനിൽ സ്‌കൂൾ വിദ്യാർഥികളാണ്.