കോടതിക്കുള്ളില്‍ മോഷണ ശ്രമം; പൊലീസ് പരിശോധന തുടങ്ങി

കോഴിക്കോട്: നാദാപുരത്ത് കോടതിക്കുള്ളില്‍ മോഷണ ശ്രമം. നാദാപുരം ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിലാണ് മോഷണ ശ്രമം നടന്നിരിക്കുന്നത്. ഇന്ന് രാവിലെ 11:30ഓടെയാണ് അസാധാരണ സംഭവം. മോഷണ ശ്രമം നടന്നതായി മനസിലാക്കിയ ഉടൻ തന്നെ പൊലീസ് പരിശോധന തുടങ്ങി. കോടതി കെട്ടിടത്തിന്‍റെ രണ്ടാം നിലയിലെ മുറിയിലാണ് മോഷണശ്രമം നടന്നിരിക്കുന്നത്. ഇവിടെ നിന്ന് എന്തെങ്കിലും നഷ്ടപ്പെട്ടിട്ടുണ്ടോ എന്നതാണ് പൊലീസ് പരിശോധിച്ചുവരുന്നത്.

നാദാപുരം സി ഐ എവി ദിനേശിന്‍റെ നേതൃത്വത്തിലാണ് പരിശോധന നടത്തുന്നത്. എന്തെങ്കിലും രേഖകളോ, വിലപിടിപ്പുള്ള വിവരങ്ങളോ നഷ്ടപ്പെട്ടിട്ടുണ്ടോ എന്നത് വ്യക്തമല്ല. ഈ മുറിയില്‍ എന്തെല്ലാമാണ് സൂക്ഷിച്ചിരുന്നത് എന്നതും വ്യക്തമല്ല.