അതിരപ്പിള്ളിയിൽ ആദിവാസി പെൺകുട്ടിയെ സംഘം ചേർന്ന് ബലാത്സംഗത്തിനിരയാക്കി: പ്രതി കസ്റ്റഡിയിൽ

അതിരപ്പിള്ളി: അന്താരാഷ്ട്ര വനിതാ ദിനത്തിൽ അതിരപ്പിള്ളിയിലെ ആദിവാസി ഊരിലെ പെൺകുട്ടിയെ മൂന്ന് പേർ മദ്യം നൽകി പീഡിപ്പിച്ചു. വനിതാദിനമായ മാർച്ച് 8നാണ് പെൺകുട്ടിയെ മദ്യം നൽകി പീഡിപ്പിച്ചത്. സംഭവത്തിൽ ഒരു പ്രതിയെ പൊലീസ് കസ്റ്റഡിയിലെടുത്തു. തവളക്കുഴിപ്പാറ കോളനിയിലെ ഓട്ടോ ഡ്രൈവർ ഷിജുവാണ് കസ്റ്റഡിയിലായത്. ഷിജുവിന് ഒപ്പമുണ്ടായിരുന്ന മറ്റു രണ്ടുപേർക്കായി പൊലീസ് തിരച്ചിൽ ഊർജിതമാക്കി.

വീടിന് സമീപത്തെ പാറയുടെ മുകളിലേക്ക് പെൺകുട്ടിയെ പ്രതികൾ വിളിച്ചു കൊണ്ടുപോവുകയായിരുന്നു. കുട്ടിയെ കാണാതിരുന്നതിനെ തുടർന്ന് അന്വേഷിച്ച ബന്ധുക്കൾ പാറയുടെ മുകളിൽ വിവസ്ത്രയായി അബോധാവസ്ഥയിൽ കിടക്കുന്നതാണ് കണ്ടത്. അവശനിലയിലായ പെൺകുട്ടിയെ ചാലക്കുടി താലൂക്ക് ആശുപത്രിയിൽ പ്രവേശിപ്പിച്ചു.പൊലീസ് അന്വേഷണം ആരംഭിച്ചു.