തിരുവനന്തപുരത്ത് വന്‍ കഞ്ചാവ് വേട്ട: അഞ്ചു പേർ പിടിയിൽ

തിരുവനന്തപുരം ചൊവ്വരയിൽ വന്‍ കഞ്ചാവ് വേട്ട. 4 കിലോ കഞ്ചാവുമായി 5 പേർ പിടിയിൽ. കാട്ടാക്കട സ്വദേശി ശരത് (26), പേരേക്കോണം സ്വദേശികളായ വിഷ്ണു (23), ശ്രീരാഗ് (27), അജി ജോർജ് (28), പാറശ്ശാല സ്വദേശി വിവിൻ (26) എന്നിവരാണ് അറസ്റ്റിലായത്.

നെയ്യാറ്റിൻകര എക്സൈസും മൊബൈൽ ഇൻ്റർവെൻഷൻ യൂണിറ്റും സംയുക്തമായാണ് പ്രതികളെ  പിടികൂടിയത്. പ്രതികളെ മജിസ്‌ട്രേറ്റിന് മുന്നിൽ ഹാജരാക്കി റിമാൻഡ് ചെയ്തു.

തമിഴ്നാട്ടിൽ നിന്ന് കോവളത്തേക്ക് കാറിൽ കഞ്ചാവ് കടത്തുന്നുണ്ടെന്ന രഹസ്യവിവരത്തിൻ്റെ അടിസ്ഥാനത്തിലായിരുന്നു പരിശോധന. പ്രതികൾ സഞ്ചരിച്ചിരുന്ന കാർ ചൊവ്വാരയിൽ തടഞ്ഞുനിർത്തി പിടികൂടുകയായിരുന്നു.