വിവാഹത്തിന് മണിക്കൂറുകള്‍ക്ക് മുമ്പ് വരൻ കൊല്ലപ്പെട്ടു

ഡൽഹി : സൗത്ത് ഡൽഹിയിൽ പ്രതിശ്രുത വരൻ കൊല്ലപ്പെട്ട നിലയിൽ. ജിം ട്രെയ്‌നറായ ഗൗരവ് സിംഗാലി ( 29 ) നെയാണ് വിവാഹത്തിന് മണിക്കൂറുകള്‍ക്ക് മുമ്പ് വീട്ടിൽ കുത്തേറ്റ് കൊല്ലപ്പെട്ട നിലയിൽ കണ്ടെത്തിയത്. ഗൗരവിനെ കൊലപ്പെടുത്തിയത് പിതാവാണെന്നാണ് പ്രാഥമിക നിഗമനം. ഇയാൾ ഒളിവിലാണ്.

കൊലപാതക കാരണം വ്യക്തമല്ല. യുവാവും പിതാവും തമ്മില്‍ വാക്കുതര്‍ക്കം നടന്നിട്ടുണ്ട്. പ്രതി അറസ്റ്റിലായാല്‍ മാത്രമേ കൂടുതൽ വിവരങ്ങൾ ലഭിക്കൂ എന്ന് പോലീസ് പറഞ്ഞു. ആക്രമത്തിന് പിന്നാലെ ഗൗരവിനെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. വ്യാഴാഴ്ചയായിരുന്നു ഗൗരവിന്റെ വിവാഹം തീരുമാനിച്ചിരുന്നത്.