മദ്യ ലഹരിയിൽ ജ്യേഷ്ഠൻ അനുജനെ വെടിവച്ച് കൊന്നു

കാ​സ​ർ​ഗോ​ഡ്: കുറ്റിക്കോലിൽ മദ്യലഹരിയിൽ സഹോദരനെ നാ​ട​ൻ തോ​ക്ക് ഉ​പ​യോ​ഗി​ച്ച് വെ​ടി​വ​ച്ചു കൊ​ന്നു. കുറ്റിക്കോൽ നൂഞ്ഞങ്ങാനം സ്വദേശി അശോകൻ(45) ആണ് വെടിയേറ്റ് മരിച്ചത്. ഇയാളുടെ ജ്യേഷ്ഠൻ ബാലകൃഷ്‌ണനെ ബേഡകം പൊലീസ് കസ്റ്റഡിയിലെടുത്തു.

കാ​സ​ർ​ഗോ​ഡ് കു​റ്റി​ക്കോ​ൽ നൂ​ഞ്ഞ​ങ്ങാ​ന​ത്ത് ഞാ​യ​റാ​ഴ്ച രാ​ത്രി​യാ​യി​രു​ന്നു സം​ഭ​വം. ഞാ​യ​റാ​ഴ്ച  രാത്രിയിൽ ഇരുവരും ചേർന്ന് മദ്യപിച്ചിരുന്നു. ഇതിനിടെയുണ്ടായ തർക്കത്തെ തുടർന്ന് ബാലകൃഷ്‌ണനെ അശോകൻ കല്ലുകൊണ്ട് ആക്രമിച്ചിരുന്നു. തുടർന്ന് സ്ഥലത്തുനിന്നും മടങ്ങിയ ബാലകൃഷ്‌ണൻ വൈകാതെ നാടൻ തോക്കുമായി മടങ്ങിയെത്തി അശോകനെ വെടിവയ്‌ക്കുകയായിരുന്നു. മുട്ടിന് താഴെയാണ് വെടിവച്ചത്.എന്നാൽ രക്തം വാർന്നാണ് അശോകൻ മരിച്ചത്.

പോ​ലീ​സ് സ്ഥ​ല​ത്തെ​ത്തി മേ​ൽ​ ന​ട​പ​ടി​ക​ൾ സ്വീകരിച്ചു. മൃ​ത​ദേ​ഹം ജ​ന​റ​ൽ ആ​ശു​പ​ത്രി മോ​ർ​ച്ച​റി​യി​ലേ​ക്ക് മാ​റ്റി. ബാലകൃഷ്‌ണൻ വേട്ടസംഘത്തിലെയാളുടെ തോക്കുപയോഗിച്ചാണ് ആക്രമണം നടത്തിയതെന്നാണ് സൂചന. ഇതിനെക്കുറിച്ചും അന്വേഷണം നടക്കുന്നുണ്ട്.