കോഴിക്കോട് നിന്നും എംഡിഎംഎയുമായി രണ്ടുപേരെ പിടികൂടി

കോഴിക്കോട് : നഗരത്തിൽ നിന്നും 49 ഗ്രാം എംഡിഎംഎയുമായി 2 പേരെ പിടികൂടി. നല്ലളം സ്വദേശി ഷംജാദ്, കർണാടക സ്വദേശിനി സഞ്ജന എന്നിവരാണ് അറസ്റ്റിലായത്. മെഡിക്കൽ കോളജ് പൊലീസും നാർകൊടിക് ഷാഡോ സംഘവും ചേർന്നാണ് പ്രതികളെ കസ്റ്റഡിയിലെടുത്തത്. മിംമ്സ് ആശുപത്രിക്ക് സമീപത്തെ ലോഡ്ജിൽ നിന്നാണ് ഇവരെ പിടികൂടിയത്. ഹോട്ടൽ മുറികൾ കേന്ദ്രീകരിച്ച് കർണാടകയിൽ എംഡിഎംഎ നിന്ന് കോഴിക്കോടെത്തിച്ച് ചില്ലറ വിൽപന നടത്തുന്നതാണ് ഇവരുടെ രീതി.