ദുബായിൽ തൊഴിലാളികളുടെ താമസവിവരങ്ങൾ മന്ത്രാലയത്തിൽ രജിസ്റ്റർ ചെയ്യണം

വെബ്‌സൈറ്റിലെ ‘സേവനങ്ങൾ’ എന്ന വിഭാഗത്തിന് കീഴിലാണ് ‘ലേബർ അക്കമഡേഷൻ സംവിധാനം’ ലഭ്യമാക്കിയിട്ടുള്ളത്. തൊഴിലാളികളുടെ താമസ സൗകര്യങ്ങളുമായി ബന്ധപ്പെട്ട മാനദണ്ഡങ്ങളെക്കുറിച്ചും നിയന്ത്രണങ്ങളെക്കുറിച്ചും അവബോധം വളർത്തുന്നതിനാണ് സംവിധാനം ആരംഭിച്ചത്.

രാജ്യത്തെ തൊഴിലാളികളുടെ ക്ഷേമം വർധിപ്പിക്കാനും ജീവിതം, ജോലി, നിക്ഷേപം എന്നിവയ്ക്കുള്ള ഏറ്റവും മികച്ച ആഗോള ലക്ഷ്യസ്ഥാനങ്ങളിലൊന്നായി യു.എ.ഇ. യുടെ പദവി ഉയർത്താനുമാണ് മന്ത്രാലയം ലക്ഷ്യമിടുന്നത്. തൊഴിലാളികളുടെ താമസസൗകര്യങ്ങളുമായി ബന്ധപ്പെട്ട മാനദണ്ഡങ്ങളും വ്യവസ്ഥകളും പാലിക്കുന്ന സ്ഥാപനങ്ങളുടെ എണ്ണം വർധിച്ചിട്ടുണ്ടെന്ന് അധികൃതർ വ്യക്തമാക്കി.