ദുബായിൽ സ്‌കൂളുകൾക്ക് വസന്തകാല അവധി മാർച്ച് 25 മുതൽ

ദുബായിൽ വാർഷിക പരീക്ഷയ്ക്കു ശേഷം മാർച്ച് 25 മുതൽ മൂന്നാഴ്ച രാജ്യത്തെ സ്കൂളുകളിൽ വസന്തകാല അവധി. റമസാൻ, പെരുന്നാൾ (ഈദ് അൽ ഫിത്തർ) എന്നിവയോടനുബന്ധിച്ചുള്ള അവധി ഏപ്രിൽ 14 വരെ നീണ്ടുനിൽക്കും.

ഏപ്രിൽ 15ന് സ്‌കൂളുകൾ വീണ്ടും തുറക്കും. ഈ വർഷം ജനുവരി 2ന് ആരംഭിച്ച രണ്ടാം സെമസ്റ്റർ 59 ദിവസം നീണ്ടുനിന്നു. നേരത്തെ, ദുബായ് നോളജ് ആൻഡ് ഹ്യൂമൻ ഡെവലപ്‌മെന്റ് അതോറിറ്റി (കെഎച്ച്‌ഡിഎ) ഏപ്രിൽ 15ന് ക്ലാസുകൾ പുനരാരംഭിക്കുമെന്ന് സ്വകാര്യ സ്‌കൂളുകളിലെ വിദ്യാർഥികളെ വെബ്‌സൈറ്റിൽ അറിയിച്ചിരുന്നു.
ജൂൺ 28-ന് മുൻപ് അധ്യയന വർഷം അവസാനിക്കില്ലെന്നും വ്യക്തമാക്കി. ഈ വർഷത്തെ റമസാൻ മാർച്ച് 11ന് അല്ലെങ്കിൽ 12-ന് വരാൻ സാധ്യതയുണ്ട്. പെരുന്നാൾ അവധികൾ മിക്കവാറും ഏപ്രിൽ 8 അല്ലെങ്കിൽ 9-ന് ആരംഭിക്കും. അവധി ദിവസങ്ങളുടെ ഔദ്യോഗിക തീയതികൾ യുഎഇ അധികൃതർ പിന്നീട് പ്രഖ്യാപിക്കും.