ദുബൈ വിമാനത്താവളം വഴി കഴിഞ്ഞ വർഷം യാത്ര ചെയ്തത് 8.70 കോടി യാത്രക്കാർ

പുതിയ റെക്കോർഡിട്ട് ദുബൈ വിമാനത്താവളം. പോയവർഷം ദുബൈ അന്താരാഷ്ട്ര വിമാനത്താവളത്തിലൂടെ കടന്നുപോയത് 8 കോടി 70 ലക്ഷം യാത്രക്കാർ. മുൻവർഷത്തെ അപേക്ഷിച്ച് 31.7 ശതമാനം വളർച്ചയാണ് യാത്രക്കാരുടെ എണ്ണത്തിലുണ്ടായത്. ഇന്ത്യൻ വിമാനത്താവളങ്ങളിലേക്കാണ് ഏറ്റവും കൂടുതൽ പേർ യാത്ര ചെയ്തത്. ലോകത്തെ തിരക്കേറിയ വിമാനത്താവളം എന്ന നിലയിൽ സ്വന്തം റെക്കോർഡുകൾ തിരുത്തുകയാണ് ദുബൈ.

2023 ലെ കണക്കുകൾ പ്രകാരം 8 കോടി 70 ലക്ഷം യാത്രക്കാരാണ് ദുബൈ അന്താരാഷ്ട്ര വിമാനത്താവളത്തിലൂടെ കടന്നുപോയത്. കാനഡ, ചിലി, ഗ്രീസ്, സ്വീഡൻ തുടങ്ങിയ രാജ്യങ്ങളുടെ മൊത്തം ജനസംഖ്യയേക്കാൾ അധികമാണിത്.