ദുബായിൽ പൊതുഗതാഗതത്തിന് പ്രിയമേറുന്നു

പൊതുഗതാഗതത്തെ ജനകീയവും ലാഭകരവുമാക്കി ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി (ആർടിഎ). കഴിഞ്ഞ വർഷം ദുബായിൽ പൊതുഗതാഗതം ഉപയോഗിച്ചവർ 70.2 കോടിയാണ്. മുൻവർഷത്തെക്കാൾ 13% വർധന. പ്രതിദിനം 19.2 ലക്ഷം പേർ പൊതുഗതാഗതം ഉപയോഗിക്കുന്നു.

പൊതുഗതാഗത സൗകര്യം കൂടുതൽ മെച്ചപ്പെടുത്തുന്നതിനുള്ള പരിപാടികൾ ഈ വർഷവും നടപ്പാക്കും. മെട്രോ ബ്ലൂലൈൻ നിർമാണം ഈ വർഷം തുടങ്ങും. 15.5 കി.മീ ഭൂഗർഭപാതയും 14.5 കി.മീ. ഉപരിതല പാതയുമാണ് ബ്ലൂ ലൈൻ. 14 സ്റ്റേഷനുകളിൽ 3 എണ്ണം റെഡ്, ഗ്രീൻ ലൈനുകളുമായി ചേരുന്നു.