താല്‍ക്കാലിക നടപ്പാലം തകര്‍ന്ന് അപകടം; നിരവധി പേര്‍ക്ക് പരുക്ക്

നെയ്യാറ്റിൻകര പുത്തൻകടയിൽ ക്രിസ്‌തുമസ്‌ പുല്‍ക്കൂട് പ്രദര്‍ശനത്തിനിടെയാണ് അപകടം. പാലത്തില്‍ അനുവദിച്ചതിലേറെ ആളുകള്‍ കയറിയതാണ് അപകട കാരണമെന്നു പൊലിസ് പറയുന്നു.

പരിക്കേറ്റവരെ സമീപത്തെ ആശുപത്രിയിലേക്ക് മാറ്റിയിട്ടുണ്ട്. പൊലിസും അഗ്നിശമനസേനയും സ്ഥലത്തെത്തി.

പത്തിലേറെ പേര്‍ക്കു പാലത്തില്‍ നിന്ന് താഴെവീണാണു പരുക്കേറ്റത്. പരുക്കേറ്റവരെ നെയ്യാറ്റിൻകര താലൂക്ക് ആശുപത്രിയിലും മിംസ് ആശുപത്രിയിലും പ്രവേശിപ്പിച്ചു. രണ്ടു പേരുടെ പരുക്ക് ഗുരുതരമാണ്.