ലോക്‌സഭ: ഡൽഹിയിലെ ഏഴിൽ ആറുസീറ്റും വേണമെന്ന് എ.എ.പി

ലോക്‌സഭാ തിരഞ്ഞെടുപ്പിൽ ഡൽഹിയിൽ ഏഴുസീറ്റിൽ ആറും തങ്ങൾക്ക് വേണമെന്ന് ആം ആദ്മി പാർട്ടി. ചൊവ്വാഴ്ച ചേർന്ന രാഷ്ട്രീയകാര്യസമിതി യോഗത്തിനുശേഷമാണ് പാർട്ടിയുടെ അവകാശവാദം. കോൺഗ്രസിന് ഒരു സീറ്റുനൽകാമെന്ന നിർദേശമാണുള്ളതെന്ന് സംഘടനാകാര്യ ജനറൽ സെക്രട്ടറി സന്ദീപ് പാഠക്ക് പറഞ്ഞു. ഇന്ത്യസഖ്യത്തിലെ സീറ്റുചർച്ചകൾ എത്രയും വേഗം പൂർത്തിയാക്കണം. ഡൽഹിയുടെ കാര്യത്തിൽ ഉടനെ തീരുമാനമില്ലെങ്കിൽ പാർട്ടിക്ക് സ്ഥാനാർഥികളെ പ്രഖ്യാപിക്കേണ്ടിവരുമെന്നും സന്ദീപ് പാഠക്ക് പറഞ്ഞു.