നാഗ്പുർ-ഗോവ ശക്തിപീഠ് അതിവേഗപാത നിർമാണത്തിന് മഹാരാഷ്ട്രസർക്കാർ അനുമതിനൽകി

നാഗ്പുർ-ഗോവ ശക്തിപീഠ് അതിവേഗപാത നിർമാണത്തിന് മഹാരാഷ്ട്രസർക്കാർ അനുമതിനൽകി. മഹാരാഷ്ട്രയിലെ 10 ജില്ലകളെയും നോർത്ത് ഗോവയിലെ പത്രാദേവി ജില്ലയെയും ബന്ധിപ്പിക്കുന്ന 760 കിലോമീറ്റർ ദൈർഘ്യമുള്ള ആറുവരിപ്പാതയാണിത്. പാത യാഥാർഥ്യമാകുന്നതോടെ നാഗ്പുർ-ഗോവ യാത്രാസമയം എട്ടുമണിക്കൂറായി ചുരുങ്ങും. നിലവിൽ ഇത് 20 മണിക്കൂറാണ്. 83,600 കോടിരൂപയാണ് പ്രതീക്ഷിത ചെലവ്. ഭൂമിയേറ്റെടുക്കൽ വൈകാതെയാരംഭിക്കും. മഹാരാഷ്ട്ര സ്റ്റേറ്റ് റോഡ് ഡിവലപ്‌മെന്റ് കോർപ്പറേഷനാണ്‌ (എം.എസ്.ആർ.ഡി.സി.) നിർമാണച്ചുമതല. 2029-ൽ പൂർത്തീകരിക്കും.