അബുദാബിയിൽ മൂന്നുദിവസത്തെ കേരള ഫെസ്റ്റിന് തുടക്കമായി

കേരളത്തിന്റെ സംസ്കാരവും ജീവിതരീതികളും ഓർമിപ്പിച്ചുകൊണ്ട് അബുദാബിയിൽ മൂന്നുദിവസത്തെ കേരള ഫെസ്റ്റിന് തുടക്കമായി. ഇന്ത്യൻ ഇസ്‌ലാമിക് സെന്ററിലാണ് കേരള ഫെസ്റ്റ്.വെള്ളിയാഴ്ച വൈകീട്ട് ഇസ്‌ലാമിക് സെന്റർ പ്രസിഡന്റ് പി. ബാവഹാജി പതാക ഉയർത്തിയതോടെയാണ് ഫെസ്റ്റിന് തുടക്കമായത്. പ്രദർശനസ്റ്റാളുകളുടെ ഉദ്ഘാടനം, ചെണ്ടമേളം, വിവിധ കേരളീയ കലാരൂപങ്ങൾ അണിനിരന്ന ഘോഷയാത്ര, ലോഗോപ്രകാശനം തുടങ്ങിയവയും ഉണ്ടായിരുന്നു.