മറാഠാ വിഭാഗത്തിന് സംവരണം; മഹാരാഷ്ട്രയിൽ നടന്ന സർവേ പൂർത്തിയായി

ജനുവരി 23 മുതൽ പത്തുദിവസമായി നടന്ന സർവേയിൽ 1,57,469 ജീവനക്കാരാണ് വീടുകൾ സന്ദർശിച്ച് വിവരങ്ങൾ ശേഖരിച്ചത്. 2,75,57,735 വീടുകളിൽനിന്ന് വിവരം ശേഖരിച്ചതായി പിന്നാക്കവർഗ കമ്മിഷൻ അറിയിച്ചു.മറാഠാവിഭാഗത്തെ സാമ്പത്തികമായും വിദ്യാഭ്യാസപരമായും പിന്നാക്കം നിൽക്കുന്നവരായി പ്രഖ്യാപിച്ച് സംവരണം അനുവദിക്കണമെന്നാവശ്യപ്പെട്ട് സംസ്ഥാനസർക്കാർ സുപ്രീംകോടതിയിൽ സമർപ്പിച്ച തിരുത്തൽഹർജിയുമായി ബന്ധപ്പെട്ടാണ് സർവേ നടത്തിയത്.