അമേരിക്കയിൽ ഇരട്ട ഗർഭപാത്രമുള്ള യുവതി ഇരട്ടക്കുട്ടികൾക്ക് ജന്മം നൽകി

അമേരിക്കയിൽ ഇരട്ട ഗർഭപാത്രമുള്ള യുവതി ഇരട്ടക്കുട്ടികൾക്ക് ജന്മം നൽകി.പെൺകുഞ്ഞുങ്ങൾക്കാണ്‌ ജന്മം നൽകിയത്‌. ഒരേസമയം, കെൽസിയുടെ രണ്ട് ഗർഭപാത്രങ്ങളിലും ഭ്രൂണം വളർന്നു. റോക്സി ലൈല എന്നുപേരിട്ട ആദ്യ കുഞ്ഞ് ചൊവ്വാഴ്ച രാത്രി 7.49-നും റെബെൽ ലേക്കൻ എന്ന രണ്ടാമത്തെ പെൺകുഞ്ഞ് ബുധനാഴ്ച രാവിലെ 6.09-നും പിറന്നുവീണു. പ്രസവത്തിൽ സങ്കീർണതകളുണ്ടാകുമെന്ന് ഡോക്ടർമാർക്ക് ആശങ്കയുണ്ടായിരുന്നെങ്കിലും പ്രശ്നങ്ങളൊന്നുമുണ്ടായില്ല. അമ്മയും കുഞ്ഞുങ്ങളും ആശുപത്രി വിടുകയുംചെയ്തു.