ദളിത് വിഭാഗത്തിൽപ്പെട്ടവർക്ക് പ്രവേശനം അനുവദിച്ചതിന്റെപേരിൽ ക്ഷേത്രത്തിനും അയിത്തംകല്പിച്ച് ഇതരജാതിക്കാർ

ഒരുവർഷംമുമ്പാണ് മുത്തുമാരിയമ്മൻ ക്ഷേത്രത്തിൽ ദളിതർക്ക് പ്രവേശനമനുവദിച്ചത്. ഇതോടെ ഇതരജാതിയിൽപ്പെട്ടവർ ക്ഷേത്രത്തിൽ ദർശനംനടത്താൻ തയ്യാറായില്ല. തമിഴ്‌നാട് ദേവസ്വംവകുപ്പിനുകീഴിലുള്ള ക്ഷേത്രം 80 വർഷംമുമ്പാണ് നിർമിച്ചത്. ഇവിടെ ആദ്യമായി ദളിതരെപ്രവേശിപ്പിച്ചത് കഴിഞ്ഞ വർഷം ജനുവരിയിലായിരുന്നു. ഇടതുപക്ഷം, വി.സി.കെ. തുടങ്ങിയ പാർട്ടികളുടെ സമ്മർദഫലമായാണ് ദേവസ്വംവകുപ്പും ജില്ലാഭരണകൂടവും ദളിതർക്ക് പ്രവേശനംനൽകിയത്. പോലീസ് സുരക്ഷയോടെയായിരുന്നു ദളിത്‌വിഭാഗക്കാർ ക്ഷേത്രത്തിൽ പ്രവേശിച്ചത്.