ബിറ്റ്‌കോയിന്‍ കേസ്; ബെംഗളൂരുവിൽ എസ്.ഐ.യും സൈബർ വിദഗ്ധനും അറസ്റ്റിൽ

രാഷ്ട്രീയനേതാക്കളുടെയും പോലീസുകാരുടെയും പേരില്‍ അഴിമതിയാരോപണമുയര്‍ന്ന കര്‍ണാടകത്തിലെ ബിറ്റ്‌കോയിന്‍ കേസില്‍ പോലീസ് ഉദ്യോഗസ്ഥനെയും സ്വകാര്യ സൈബര്‍ വിദഗ്ധനെയും പ്രത്യേക അന്വേഷണസംഘം അറസ്റ്റുചെയ്തു. ബെംഗളൂരു സിറ്റി കമ്മിഷണര്‍ ഓഫീസിലെ എസ്.ഐ. പ്രശാന്ത് ബാബു, ബെംഗളൂരുവില്‍ സ്ഥാപനം നടത്തുന്ന സൈബര്‍ വിദഗ്ധന്‍ കെ.എസ്. സന്തോഷ് കുമാര്‍ എന്നിവരാണ് അറസ്റ്റിലായത്. തെളിവുനശിപ്പിക്കാന്‍ ശ്രമിച്ചതിനാണിത്. തട്ടിപ്പുനടക്കുമ്പോൾ ക്രൈംബ്രാഞ്ച് എസ്.ഐ. ആയിരുന്നു പ്രശാന്ത് ബാബു.