കേന്ദ്ര ബജറ്റ്: ഗാർഹിക തൊഴിലാളികൾക്ക് സാമൂഹിക സുരക്ഷാ ആനുകൂല്യങ്ങൾ ലഭ്യമാക്കാൻ ആലോചനയുമായി കേന്ദ്ര സർക്കാർ

മിനിമം വേതനം, പെൻഷൻ, മെഡിക്കൽ ഇൻഷുറൻസ്, പ്രസവാനുകൂല്യങ്ങൾ, ഗാർഹിക തൊഴിലാളികൾക്കുള്ള പ്രൊവിഡന്റ് ഫണ്ട് തുടങ്ങിയ വിവിധ ആനുകൂല്യങ്ങൾ പരിഗണനയിലുണ്ട്. വിവിധ മാർഗങ്ങൾ പരിശോധിച്ചുവരികയാണെന്നും ഇന്ത്യയിലെ ഗാർഹിക തൊഴിലാളികളുടെ കൃത്യമായ കണക്ക് സർക്കാരിന് ലഭിച്ചാലുടൻ അന്തിമ തീരുമാനമെടുക്കുമെന്നും വിഷയവുമായി ബന്ധപ്പെട്ട വൃത്തങ്ങൾ വ്യക്തമാക്കുന്നു.

സാമൂഹ്യസുരക്ഷാ നിയമം ഗാർഹിക തൊഴിലാളികളെ ‘വേതന തൊഴിലാളികൾ’ എന്ന വിഭാഗത്തിലാണ് ഉൾപ്പെടുത്തുന്നത്. ഇത് പ്രാബല്യത്തിൽ വന്നാൽ വേതനവുമായി ബന്ധപ്പെട്ട ആനുകൂല്യങ്ങൾക്ക് ഇവർക്ക് അർഹത ലഭിക്കും. നിലവിലുള്ള സാമൂഹിക സുരക്ഷാ നിയമങ്ങളും സ്‌കീമുകളും നിയമത്തിൽ ഉൾപ്പെടുന്നുണ്ട്. നിയമം നടപ്പിലാക്കിയാൽ അത് തുടർന്നും ഗാർഹിക തൊഴിലാളികൾക്കും ലഭ്യമാകും.