ബെംഗളൂരു-മൈസൂരു പാതയിൽ ബൈക്ക് ലോറിക്ക് പിന്നിലിടിച്ച് യുവാവ് മരിച്ചു

ബെംഗളൂരു-മൈസൂരു പാതയിൽ ബൈക്ക് ലോറിക്ക് പിന്നിലിടിച്ച് പയ്യന്നൂർ സ്വദേശി മരിച്ചു. കാങ്കോൽ കുണ്ടയംകൊവ്വൽ ശ്രേയസിൽ കെ.വി. നാരായണന്റെ മകൻ എൻ. തേജസ് (24) ആണ് മരിച്ചത്. ബെംഗളൂരുവിൽ ഐ.ടി. കമ്പനിയിൽ ജോലിചെയ്യുകയായിരുന്നു. ചൊവ്വാഴ്ച പുലർച്ചെ നാലോടെ മാണ്ഡ്യക്കു സമീപം മദ്ദൂരിലായിരുന്നു അപകടം.