എയര്‍ലീക്ക് പരിശോധിക്കുന്നതിനിടെ ബസിനടിയിൽ പെട്ട് മെക്കാനിക്ക് മരിച്ചു

വീടിന് സമീപത്തായാണ് സുകുമാരൻ വർക്ക് ഷോപ്പ് നടത്തിയിരുന്നത്. ടൂറിസ്റ്റ് ബസിന്റെ എയര്‍ലീക്ക് പരിശോധിക്കുന്നതിനിടെയാണ് അപകടം. ബസിന്റെ എയർ സസ്പെൻഷൻ താഴ്ന്ന് സുകുമാരന്റെ തല കുടുങ്ങുകയായിരുന്നു. ഈ സമയത്ത് മറ്റാരും അടുത്തുണ്ടായിരുന്നില്ല.പിന്നീട് ഭാര്യയാണ് അപകടം കണ്ടത്. ഫയർഫോഴ്സും നാട്ടുകാരും ഏറെ പണിപ്പെട്ടാണ് സുകുമാരനെ പുറത്തെടുത്തത്. ഉടൻ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.