കടമ്പഴിപ്പുറം ഗ്രാമപഞ്ചായത്ത് വികസന സെമിനാര്‍ നടത്തി

കടമ്പഴിപ്പുറം ഗ്രാമപഞ്ചായത്ത് ജനകീയ ആസൂത്രണം 2024-25 വാര്‍ഷിക പദ്ധതി രൂപീകരണവുമായി ബന്ധപ്പെട്ട് വികസന സെമിനാര്‍ നടത്തി. കെ. പ്രേംകുമാര്‍ എം.എല്‍.എ ഉദ്ഘാടനം ചെയ്തു. കടമ്പഴിപ്പുറം ഗ്രാമപഞ്ചായത്ത് പ്രസിഡന്റ് പി. ശാസ്തകുമാര്‍ അധ്യക്ഷനായി. ശുചിത്വം കുടിവെള്ളം പദ്ധതികള്‍ക്ക് ഊന്നല്‍ നല്‍കിക്കൊണ്ട് ഏകദേശം ഏഴ് കോടി രൂപയുടെ വികസന പ്രവര്‍ത്തനങ്ങള്‍ വികസന സെമിനാറില്‍ അംഗീകരിച്ചു.

ഭവന നിര്‍മാണം, പശ്ചാത്തല വികസനം, കൃഷി മൃഗസംരക്ഷണം സാമൂഹ്യ ക്ഷേമം, വനിതാ ശിശു സംരക്ഷണം തുടങ്ങിയ മേഖലകള്‍ക്കെല്ലാം പ്രാധാന്യം നല്‍കിയിട്ടുണ്ട്. കടമ്പഴിപ്പുറം ഗ്രാമപഞ്ചായത്ത്  വൈസ് പ്രസിഡന്റ് കെ. ശ്രീലത, ജില്ലാ പഞ്ചായത്ത് അംഗം പി. മൊയ്തീന്‍കുട്ടി, ശ്രീകൃഷ്ണപുരം ബ്ലോക്ക് ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ പി. സുബ്രഹ്മണ്യന്‍, ജനപ്രതിനിധികള്‍, ഉദ്യോഗസ്ഥര്‍ എന്നിവര്‍ പങ്കെടുത്തു.