കശ്മീരിൽ കോവിഡ് ഉപ വകഭേദത്തിന്റെ ആദ്യ കേസ് റിപ്പോർട്ട് ചെയ്തു

ശ്രീനഗർ: കശ്മീരിൽ കോവിഡ് ഉപ വകഭേദത്തിന്റെ ആദ്യ കേസ് റിപ്പോർട്ട് ചെയ്തു. ശ്രീനഗർ ഗവണ്മെന്റ് ഡെന്റൽ കോളേജിലെ ബിരുദാന്തര ബിരുദ മലയാളി വിദ്യാർഥികൾക്കാണ് ടെസ്റ്റ് പോസിറ്റീവായതെന്ന് ആരോഗ്യവകുപ്പ് സ്ഥിരീകരിച്ചു. കേരളത്തിൽ നിന്നുള്ള വിദ്യാർഥികൾ നാട്ടിൽ നിന്നും ഈയടുത്താണ് ശ്രീനഗറിലെ ഡെന്റൽ കോളേജിലെത്തിയത്. എത്തിയശേഷം ഇവരുടെ ആരോഗ്യസ്ഥിതി മോശമായിരുന്നെന്ന് കോളേജ് അധികൃതർ പറഞ്ഞു.

ടെസ്റ്റ് പോസിറ്റീവായതിനാൽ നിലവിലെ പ്രോട്ടോകോൾ അനുസരിച്ച് ഇവർ നിരീക്ഷണത്തിലാണ്. ഉപ വകഭേദത്തിന്റെ ആദ്യ കേസാണ് ജമ്മു കശ്മീരിൽ റിപ്പോർട്ട് ചെയ്യുന്നത്. അതിനാൽ തന്നെ ആളുകൾ ജാഗ്രത പാലിക്കണമെന്നും അടുത്തിടെ കേസുകൾ വർധിച്ച സംസ്ഥാനത്തേക്ക് യാത്ര ചെയ്തിട്ടുള്ളവർ സ്വയം നിരീക്ഷിക്കണമെന്നും ആരോഗ്യ വകുപ്പ് പറഞ്ഞു.