ആത്മഹത്യക്ക്‌ ശ്രമിച്ചശേഷം ഭർത്താവിനെയും ഭർത്തൃവീട്ടുകാരെയും കുറ്റപ്പെടുത്തുന്നത് ക്രൂരതയാണെന്ന് ഡൽഹി ഹൈക്കോടതി

ആത്മഹത്യക്ക്‌ ശ്രമിച്ചശേഷം ഭർത്താവിനെയും ഭർത്തൃവീട്ടുകാരെയും അതിന് കുറ്റപ്പെടുത്തുന്നത് ക്രൂരതയാണെന്നും ഇത് വിവാഹമോചനത്തിനുള്ള കാരണമാണെന്നും ഡൽഹി ഹൈക്കോടതി. ഇത്തരം നടപടികൾ വഴി, കള്ളക്കേസിൽ കുടുക്കുമെന്ന ഭീഷണി ഭർത്താവും കുടുംബവും തുടർച്ചയായി നേരിടേണ്ടിവരുമെന്നും ജസ്റ്റിസ് സുരേഷ് കുമാർ കെയ്ത് അധ്യക്ഷനായ ഡിവിഷൻ ബെഞ്ച് നിരീക്ഷിച്ചു. ക്രൂരത നേരിട്ടതിന്റെ പേരിൽ ഭർത്താവിന് വിവാഹമോചനം അനുവദിച്ച കുടുംബകോടതി ഉത്തരവിനെതിരേ ഭാര്യ നൽകിയ ഹർജി തള്ളിക്കൊണ്ടായിരുന്നു നിരീക്ഷണം.