മാലദ്വീപ് പ്രസിഡന്റിന്റെ ഇന്ത്യാസന്ദർശനം അനിശ്ചിതത്വത്തിൽ

വിവാദങ്ങള്‍ക്കിടെ, മാലദ്വീപ് പ്രസിഡന്റ് മുഹമ്മദ് മുയിസുവിന്റെ ഇന്ത്യാസന്ദര്‍ശനം അനിശ്ചിതത്വത്തില്‍.നവംബറില്‍ പ്രസിഡന്റു സ്ഥാനത്തേക്ക്‌ തിരഞ്ഞെടുക്കപ്പെട്ടതിന് തൊട്ടുപിന്നാലെ മാലദ്വീപിലെ ഇന്ത്യന്‍ സേനയെ പിന്‍വലിക്കണമെന്ന് മുഹമ്മദ് മുയിസു ഇന്ത്യയോട് ആവശ്യപ്പെട്ടിരുന്നു. ഇതിനുപിന്നാലെ ഇന്ത്യ സന്ദര്‍ശിക്കാന്‍ ആഗ്രഹിക്കുന്നതായും മുയിസു ഇന്ത്യന്‍ ഹൈക്കമ്മിഷനെ അറിയിച്ചു. എന്നാല്‍, ഇതിന് അനുകൂലമായ നിലപാട് കേന്ദ്രസര്‍ക്കാരിന്റെ ഭാഗത്തുനിന്ന് ഉണ്ടാകാത്തതിനെത്തുടര്‍ന്നാണ് മുയിസുവിന്റെ ഇന്ത്യാസന്ദര്‍ശനം വൈകുന്നത്.