കനത്ത മഴ ; സ്ഥിതിഗതികള്‍ വിലയിരുത്താന്‍ ഉച്ചയ്ക്ക് ജില്ലാ കളക്ടര്‍മാരുടെ യോഗം

തിരുവനന്തപുരം : മഴ കനക്കുന്നതുമായി ബന്ധപ്പെട്ട് സ്ഥിതിഗതികള്‍ വിലയിരുത്താന്‍ ജില്ലാ കളക്ടര്‍മാരുടെ യോഗം ചേരും. ഇന്ന് ഉച്ചയ്ക്ക് 12 മണിക്കാനാണ് ജില്ലാ കലക്ടര്‍മാരുടെ അവലോകന യോഗം ചേരുന്നത്.

സംസ്ഥാനത്ത് വിവിധ ഇടങ്ങളിൽ അതിശക്തമായ മഴയാണ് ഉണ്ടാകുന്നത്. വേണ്ട ജാഗ്രത നടപടികൾ സ്വീകരിക്കാൻ ജില്ലാതലത്തിൽ നിർദ്ദേശം സർക്കാർ നൽകി. ആവശ്യമെങ്കില്‍ ദുരിതാശ്വാസ ക്യാമ്പുകള്‍ തുറക്കും. വടക്കന്‍ ജില്ലകളിലും ഇടുക്കി, പത്തനംതിട്ട ജില്ലയിലും ജാഗ്രത പാലിക്കണമെന്ന് മുന്നറിയിപ്പുണ്ട്.

കാസര്‍ഗോഡ് മുതല്‍ കോഴിക്കോട് വരെയുള്ള ജില്ലകളിലാണ് ന്യൂനമര്‍ദത്തിന്റെ ഭാഗമായി അതിതീവ്ര മഴ ഇന്നുണ്ടാവുക. ഇടുക്കി, പത്തനംതിട്ട ജില്ലകളിലും കനത്ത മഴ പ്രവചിക്കുന്നു. മണ്‍സൂണ്‍ നേരത്തെ എത്തുന്നു എന്ന സൂചന ലഭിക്കുകയാണ്.