മുഖ്യമന്ത്രി പിണറായി വിജയന് പിറന്നാൾ ആശംസകൾ നേർന്ന് മോഹൻലാലും മമ്മൂട്ടിയും

മുഖ്യമന്ത്രി പിണറായി വിജയന് പിറന്നാൾ ആശംസകൾ നേർന്ന് സിനിമ ലോകത്തെ പ്രമുഖർ. മോഹൻലാലും മമ്മൂട്ടിയും കമൽഹാസനും മുഖ്യമന്ത്രിക്ക് സമൂഹമാധ്യമങ്ങളിലൂടെ പിറന്നാൾ ആശംസകൾ അറിയിച്ചിട്ടുണ്ട്. പിണറായി വിജയന്‍റെ 80ാം പിറന്നാളാണ് ഇന്ന്. ഔദ്യോഗിക രേഖകളിൽ മാർച്ച് 21 ആണെങ്കിലും 1945 മേയ് 24നാണ് പിണറായി വിജയൻ ജനിച്ചത്.

‘ബഹുമാനപ്പെട്ട കേരള മുഖ്യമന്ത്രി ശ്രീ പിണറായി വിജയന് ഹൃദയം നിറഞ്ഞ ജന്മദിനാശംസകളെ’ന്നാണ് മോഹൻലാലും മമ്മൂട്ടിയും സമൂഹമാധ്യമ അക്കൗണ്ടുകളിൽ കുറിച്ചത്. പിറന്നാൾ ആശംസയോടൊപ്പം പിണറായി വിജയനൊപ്പമുള്ള ചിത്രവും ഇരുവരും പങ്കുവെച്ചു.