ലൈംഗിക പീഡനക്കേസിൽ കന്നഡ നടൻ അറസ്റ്റിൽ

ബെംഗളൂരു: കന്നഡ നടൻ മദനൂർ മനു ലൈംഗിക പീഡനക്കേസിൽ അറസ്റ്റിൽ. നടന്റെ പുതിയ സിനിമ റിലീസ് ചെയ്യാനിരിക്കെ അറസ്റ്റ് ഉണ്ടായിരിക്കുന്നത്.

ബലാത്സംഗംചെയ്ത് ഗർഭിണിയാക്കിയെന്നും ബലമായി ഗർഭം അലസിപ്പിച്ചെന്നും കാണിച്ച് കന്നഡ സീരിയൽനടി നൽകിയ പരാതിയിൽ ബെംഗളൂരുവിലെ അന്നപൂർണേശ്വരീനഗർ പോലീസാണ് മനുവിന്റെപേരിൽ കേസെടുത്തത്.

തുടർന്ന് ഒളിവിൽപ്പോകാൻ ശ്രമിച്ച നടനെ ഹാസനിലെ ശാന്തിഗ്രാമയിൽ നിന്ന് കസ്റ്റഡിയിലെടുക്കുകയായിരുന്നു.കന്നഡ സീരിയൽ നടനായും ഹാസ്യതാരമായും പേരെടുത്തയാളാണ് മദനൂർ മനു.