തെങ്ങില്‍ കയറിയ ഗൃഹനാഥൻ ദേഹാസ്വാസ്ഥ്യതെ തുടർന്ന് മരിച്ചു

മലപ്പുറം: മലപ്പുറത്ത് തേങ്ങയിടാൻ തെങ്ങില്‍ കയറിയ ദേഹാസ്വാസ്ഥ്യതെ തുടർന്ന് മരിച്ചു. പുറത്തൂരില്‍ സേലത്ത് വീട്ടില്‍ കണ്ണൻ (70) ആണ് മരണപ്പെട്ടത്.

വീട്ടിലെ തെങ്ങില്‍ തേങ്ങയിടാനും തെങ്ങ് വൃത്തിയാക്കാനും കയറിയതായിരുന്നു ഇയാൾ. തെങ്ങിന്റെ മുകളിൽ വെച്ച് ദേഹാസ്വാസ്ഥ്യമുണ്ടായി. തുടർന്ന് തെങ്ങില്‍ നിന്ന് പിടിവിട്ടുപോയി.

ഇതോടെ തെങ്ങുകയറ്റ മെഷീനില്‍ കാല്‍ കുടുങ്ങി താഴേക്ക് തൂങ്ങിക്കിടക്കുകയായിരുന്നു. തുടർന്ന് തിരൂർ ഫയർഫോഴ്സ് ഉദ്യോഗസ്ഥർ സ്ഥലത്തെത്തി താഴെ ഇറക്കി. തുടർന്ന് ഉടനെ തന്നെ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല.