പുതിയ സുസുക്കി അവെനിസ് വിപണിയിൽ !

അവെനിസ് സ്‍കൂട്ടറിന്റെ പുതിയ സ്റ്റാൻഡേർഡ് വേരിയന്റ് സുസുക്കി മോട്ടോർസൈക്കിൾ ഇന്ത്യ അവതരിപ്പിച്ചു. ഇതിന്റെ എക്സ്-ഷോറൂം വില 91,400 രൂപ ആണ്. രാജ്യത്തെ പുതിയ എമിഷൻ ചട്ടങ്ങൾ പാലിക്കാൻ കഴിയുന്ന തരത്തിലാണ് പുതിയ സ്‍കൂട്ടറിന്‍റെ എഞ്ചിൻ ഡിസൈൻ ചെയ്തിരിക്കുന്നത്.

ഇന്ത്യയിലുടനീളമുള്ള എല്ലാ സുസുക്കി ഡീലർഷിപ്പുകളിലും പുതിയ സുസുക്കി അവെനിസ് സ്റ്റാൻഡേർഡ് വേരിയന്റ് നാല് കളർ ഓപ്ഷനുകളിൽ ലഭ്യമാണ്. പുതിയ സുസുക്കി അവെനിസ് സ്റ്റാൻഡേർഡ് വേരിയന്റിന് കരുത്ത് പകരുന്നത് 124.3 സിസി, പൂർണ്ണമായി അലൂമിനിയം 4-സ്ട്രോക്ക്, സിംഗിൾ സിലിണ്ടർ എഞ്ചിനാണ്.

ഈ സ്‍കൂട്ടറിന്‍റെ ഡിസൈൻ പരിശോധിച്ചാൽ മുന്നിൽ എൽഇഡി ഹെഡ്‌ലാമ്പും പിന്നിൽ എൽഇഡി ടെയിൽ ലാമ്പും ഉണ്ട്. സുസുക്കി ഈസി സ്റ്റാർട്ട് സിസ്റ്റത്തോടുകൂടിയ എഞ്ചിൻ സ്റ്റാർട്ട് ആൻഡ് സ്റ്റോപ്പ് സ്വിച്ച്, സൈഡ് സ്റ്റാൻഡ് ഇന്റർലോക്ക്, സ്പോർട്ടി മഫ്ലർ കവർ എന്നിവയുമുണ്ട്.