സ്വർണവില വീണ്ടും കൂടി; പവന് 280 ​രൂപ കൂടി

കൊച്ചി: രണ്ടുദിവസത്തെ ഇടവേളക്ക് ശേഷം സ്വർണവില വീണ്ടും കൂടി. ഗ്രാമിന് 35 രൂപയും പവന് 280 ​രൂപയുമാണ് കൂടിയത്. ഇതോടെ ഗ്രാമിന് 8755 രൂപയും പവന് 70,040 രൂപയുമായി.

ഇതിനുമുമ്പ് വെള്ളിയാഴ്ചയാണ് സ്വർണവില കൂടിയത്. ഗ്രാമിന് 110 രൂപയുടെ വർധനയാണ് അന്നുണ്ടായത്. പവൻ വില 880 രൂപ കൂടി 69760 രൂപയായിരുന്നു. വ്യാഴാഴ്ച സ്വർണവിലയിൽ വൻ ഇടിവ് രേഖപ്പെടുത്തിയിരുന്നു. പവന്റെ വിലയിൽ 1560 രൂപയുടെ കുറവാണ് ഉണ്ടായത്.