കൂടൽമാണിക്യം ഉത്സവത്തിനിടെ ഇടഞ്ഞ അമ്പാടി മഹാദേവനെ സാഹസികമായി തളച്ച് പാപ്പാൻമാർ

തൃശൂർ: ഉത്സവത്തിനെത്തിച്ച ആന ഇടഞ്ഞോടി. കൂടൽമാണിക്യം ക്ഷേത്രത്തിലെ ഉത്സവത്തിനായി എത്തിച്ച ആനയാണ് ഇടഞ്ഞത്. ഇന്ന് ഉച്ച കഴിഞ്ഞാണ് സംഭവം നടന്നത്. ആറാട്ട് കഴിഞ്ഞ് തിരിച്ചെഴുന്നള്ളിപ്പിനായി മാറ്റി നിർത്തിയിരുന്ന അമ്പാടി മഹാദേവൻ എന്ന ആനയാണ് ഇടഞ്ഞത്. ഇടഞ്ഞോടിയ ആനയുടെ പിറകെ പാപ്പാൻമാരും ഓടി ആനയെ പിടികൂടി തളയ്ക്കുകയായിരുന്നു.

ഉത്സവ വിളക്ക് എഴുന്നള്ളപ്പിനിടെ ഇതേ ആനയും മറ്റൊരു ആനയും കൊമ്പ് കോർത്തിരുന്നു. ആനയെ എഴുന്നള്ളിപ്പിക്കാൻ അനുവദിച്ചത് ഫോറസ്റ്റ് ഉദ്യോഗസ്ഥരുടെ കടുത്ത അനാസ്ഥയാണെന്ന് ആരോപണമുണ്ട്