ദുബൈ അന്താരാഷ്ട്ര വിമാനത്താവളം അടച്ചുപൂട്ടും

ദുബൈ: ലോകത്തിലെ ഏറ്റവും തിരക്കേറിയ ദുബൈ അന്താരാഷ്ട്ര വിമാനത്താവളം അടച്ചുപൂട്ടും. പ്രവാസികൾക്ക് ഏറെ പ്രിയപ്പെട്ട വിമാനത്താവളമാണ് ദുബൈ വിമാനത്താവളം. പുതിയ അൽ മക്തൂം അന്താരാഷ്ട്ര വിമാനത്താവളത്തിന്റെ ആദ്യം ഘട്ടം 2032ഓട് കൂടി പൂർത്തിയാകുന്നതോടെ ദുബൈ വിമാനത്താവളം അടയ്ക്കുമെന്ന് ഔദ്യോ​ഗിക പ്രഖ്യാപനം ഉണ്ടായിരിക്കുകയാണ്.

പുതിയ വിമാനത്താവളം എത്തുന്നതോടെ യുഎഇയുടെ വളർച്ചയ്ക്ക് വലിയ പങ്ക് വഹിച്ച ദുബൈ വിമാനത്താവളം ചരിത്രത്തിന്റെ ഭാഗമാകും. ലോകത്തിന്റെ ഏറ്റവും തിരക്കേറിയ വിമാനത്താവളമായ ദുബൈ വഴി കഴിഞ്ഞ വർഷം 9.23 കോടി യാത്രക്കാരാണ് യാത്ര ചെയ്തത്.

മികച്ച രീതിയിലുള്ള യാത്ര സേവനങ്ങളും സൗകര്യവുമാണ് വിമാനത്താവളത്തിൽ സജ്ജീകരിച്ചിട്ടുള്ളത്. ഇത് തന്നെയാണ് ദുബൈ വിമാനത്താവളത്തിന്റെ തിരക്കേറിയ വിമാനത്താവളം എന്ന പദവിക്കും കാരണം. വിമാനത്താവളം അടച്ചുപൂട്ടുന്നുവെന്ന വാർത്ത വലിയ ചർച്ചകൾക്ക് തുടക്കമിട്ടിരിക്കുകയാണ്.