പൊറോട്ട കൊടുക്കാത്തതിന് ആക്രമണം ; കേസിൽ രണ്ടാംപ്രതിയും പിടിയില്‍

കൊല്ലം : പൊറോട്ട കൊടുക്കാത്തതിന് ഹോട്ടൽ ഉടമയുടെ തല അടിച്ചുപൊട്ടിച്ച കേസില്‍ രണ്ടാംപ്രതിയും പിടിയിലായി. കരിക്കോട് സീനാമന്‍സിലില്‍ മുഹമ്മദ് റാഫി(22)യാണ് പിടിയിലായത്.

കേസില്‍ ഒന്നാംപ്രതി കരാമൂല തടത്തില്‍ കിഴക്കതില്‍ നിഖിലേഷി(28)നെ നേരത്തേ അറസ്റ്റ് ചെയ്തിരുന്നു.കഴിഞ്ഞ ഞായറാഴ്ച രാത്രിയോടെയാണ് മങ്ങാട് സംഘം മുക്കില്‍ കട നടത്തുന്ന അമല്‍കുമാറിനെ ഇരുവരും ക്രൂരമായി ആക്രമിച്ചത്.

സംഭവത്തിന് ശേഷം പ്രതികൾ ഒളിവിലായിരുന്നു. തുടർന്ന് പോലീസ് നടത്തിയ അന്വേഷണത്തിൽ രണ്ട് പ്രതികളും അറസ്റ്റിലായത്.