മസ്‌കത്തിൽ നിന്ന് കേരളത്തിലേക്ക് പുതിയ സർവീസുമായി ഇൻഡിഗോ

മസ്‌കത്തിൽ നിന്ന് കേരളത്തിലേക്ക് പുതിയ സർവീസുമായി ഇൻഡിഗോ. മസ്‌കത്ത് രാജ്യാന്തര വിമാനത്താവളത്തില്‍ വാട്ടര്‍ സല്യൂട്ട് നല്‍കി ആദ്യ വിമാനത്തെ സ്വീകരിച്ചു.മസ്‌കത്തില്‍ നിന്ന് കണ്ണൂരിലേക്കും തിരിച്ചും ആഴ്ചയില്‍ മൂന്ന് സര്‍വീസുകള്‍ വീതം നടത്തും. ചൊവ്വ, വ്യാഴം, ശനി ദിവസങ്ങളിലാണ് സര്‍വീസുകള്‍.

പുലര്‍ച്ചെ 3.35ന് മസ്‌കത്തില്‍ നിന്ന് കണ്ണൂരിലേക്ക് പറക്കുന്ന വിമാനം രാവിലെ 8.30ന് കണ്ണൂരില്‍ ലാന്റ് ചെയ്യും. രാത്രി 12.40ന് കണ്ണൂരില്‍ നിന്ന് പുറപ്പെടുന്ന വിമാനം പുലര്‍ച്ചെ 2.25ന് മസ്‌കത്തില്‍ എത്തും.കുറഞ്ഞ നിരക്കില്‍ നിലവില്‍ ടിക്കറ്റുകള്‍ ലഭ്യമാണ്. വേനല്‍ അവധിക്കാലം ആരംഭിക്കാനിരിക്കുന്നതിനാല്‍ വരും ദിവസങ്ങളില്‍ ടിക്കറ്റ് നിരക്ക് ഉയര്‍ന്നേക്കുമെന്ന് ട്രാവല്‍ മേഖലയില്‍ നിന്നുള്ളവര്‍ പറയുന്നു.

മസ്‌കത്തിനും ചെന്നൈക്കും ഇടയില്‍ നേരിട്ട് സര്‍വീസ് ആരംഭിക്കാന്‍ ഇന്‍ഡിഗോ. ജൂണ്‍ 16 മുതല്‍ ആഴ്ചയില്‍ മുന്ന് സര്‍വീസുകള്‍ വീതം നടത്തും. തിങ്കള്‍, ബുധന്‍, വെള്ളി ദിവസങ്ങളില്‍ രാത്രി 11.45ന് ചെന്നൈയില്‍ നിന്നും മസ്‌കത്തിലേക്ക് പുറപ്പെടുന്ന വിമാനം ഒമാന്‍ സമയം പുലര്‍ച്ചെ 2.35ന് ലാന്റ് ചെയ്യും. ചൊവ്വ, വ്യാഴം, ശനി ദിവസങ്ങളില്‍ ഉച്ചക്ക് 1.50ന് മസ്‌കത്തില്‍ നിന്ന് പുറപ്പെടുന്ന വിമാനം പ്രാദേശിക സമയം 6.45ന് ചെന്നൈയില്‍ എത്തും.