മരം ഒടിഞ്ഞ് വീണ് രണ്ടാം ക്ലാസുകാരിക്ക് ദാരുണാന്ത്യം

തിരുവനന്തപുരം: മരം ഒടിഞ്ഞു വീണ് രണ്ടാം ക്ലാസുകാരി മരിച്ചു. നാവായിക്കുളം കുടവൂർ സ്വദേശികളായ സഹദിന്റയും നാദിയയുടെയും മകൾ റിസ്വാന (7 ) മരിച്ചത്.ഒന്നര വയസുള്ള സഹോദരനെ രക്ഷിക്കുന്നതിനിടെ അയൽവാസിയുടെ പുരയിടത്തിലെ മരം ഒടിഞ്ഞു കുട്ടിയുടെ ദേഹത്ത് വീഴുകയായിരുന്നു.

രാവിലെ പത്തു മണിയോടെയായിരുന്നു അപകടം ഉണ്ടായത്. അനുജൻ വീടിനു പിറകിൽ കളിച്ചു കൊണ്ടിരിക്കെ മരം ഒടിയുന്ന ശബ്ദം കേട്ട് അനുജനെ രക്ഷിക്കാൻ ഓടിയെത്തിയതാണ് റിസ്വാന. ഒടിഞ്ഞ മരം പക്ഷെ റിസ്വാനയുടെ ദേഹത്ത് വീഴുകയായിരുന്നു.

ഗുരുതരമായി പറിക്കേറ്റ റിസ്വാനയെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. പേരൂർ എംഎംയുപി സ്കൂൾ ഒന്നാം ക്ലാസ് വിദ്യാർത്ഥിനിയാണ്.