ലോക പൊലിസ് ഉച്ചകോടിക്ക് മെയ് 13ന് ദുബൈയിൽ തുടക്കം

ലോക പൊലിസ് ഉച്ചകോടിക്ക് മെയ് 13ന് ദുബൈയിൽ തുടക്കം. ദുബൈ വേൾഡ് ട്രേഡ് സെന്ററിൽ വെച്ചാണ് ഉച്ചകോടി നടക്കുന്നത്. ഉച്ചകോടിയുടെ നാലാം പതിപ്പിനാണ് 13ന് തിരശീല ഉയരുന്നത്. ഉച്ചകോടി മെയ് 15വരെ നീണ്ടു നിൽക്കും. ദുബൈ മീഡിയ ഓഫീസാണ് ഇക്കാര്യം വ്യക്തമാക്കിയത്.

നിയമപാലനത്തിലും, സുരക്ഷാ മേഖലയിലുമുള്ള ഏറ്റവും പുതിയ മുന്നേറ്റങ്ങളെക്കുറിച്ചെല്ലാം ഉച്ചകോടി ചർച്ച ചെയ്യും. കൂടാതെ, പൊലിസ് സേനകൾ നേരിടുന്ന പ്രധാന വെല്ലുവിളികളെക്കുറിച്ച് ഉച്ചകോടി സമ​ഗ്രമായ പഠനങ്ങൾ സംഘടിപ്പിക്കും. ലോക സംഘടനകളടെ ഭാരവാഹികൾ, ഈ മേഖലയിലെ പ്രമുഖർ, പൊലിസ് ഉദ്യോ​ഗസ്ഥർ തുടങ്ങി വ്യത്യസ്ത വിഭാ​ഗങ്ങളുടെ പ്രതിനിധികൾ ഉച്ചകോടിയിൽ പങ്കെടുക്കും.