13-ാം ദിനവും ഷൺമുഖന്റെ ആധിപത്യം; ‘തുടരും’ കളക്ഷന്‍ റിപ്പോർട്ട് പുറത്ത്

വിജങ്ങളുടെ നിരയിലേക്ക് എത്തിയിരിക്കുകയാണ് തുടരും. ചിത്രം ഏപ്രില്‍ 25 ആണ് തിയറ്ററുകളിലെത്തിയത്. മൂന്നാം വാരത്തിലേക്ക് പ്രവേശിക്കുമ്പോഴും സമീപകാലത്ത് മറ്റൊരു മലയാള ചിത്രത്തിനും അവകാശപ്പെടാനില്ലാത്ത ഒക്കുപ്പന്‍സിയോടെയാണ് ചിത്രം തിയറ്ററുകളില്‍ തുടരുന്നത്. ഇപ്പോഴിതാ ചിത്രത്തിന്‍റെ ഏറ്റവും പുതിയ ബോക്സ് ഓഫീസ് കളക്ഷന്‍ കണക്കുകള്‍ പുറത്ത് വന്നിരിക്കുകയാണ്.

ട്രാക്കര്‍മാരുടെ കണക്കുകള്‍ പ്രകാരം കേരള ബോക്സ് ഓഫീസില്‍ വന്‍ പ്രതികരണമാണ് ചിത്രത്തിന് ലഭിച്ചിരിക്കുന്നത്. ആദ്യ 11 ദിവസങ്ങളില്‍ 5 കോടിക്ക് മുകളിലായിരുന്നു ചിത്രത്തിന്‍റെ കേരളത്തിലെ കളക്ഷന്‍. 12-ാം ദിനം 4.7 കോടിയും 13-ാം ദിവസും 4 കോടിക്ക് മുകളിലുമാണ് കേരളത്തില്‍ നിന്നുള്ള നേട്ടം. ട്രാക്കര്‍മാരുടെ കണക്ക് പ്രകാരം ആദ്യ 13 ദിനങ്ങളില്‍ കേരളത്തില്‍ നിന്ന് ചിത്രം നേടിയിരിക്കുന്നത് 80 കോടിയാണ്. അതേസമയം നിര്‍മ്മാതാക്കള്‍ ഇന്നലെ പുറത്തുവിട്ട കണക്ക് പ്രകാരം ചിത്രം കേരളത്തില്‍ നിന്ന് ഇതുവരെ നേടിയിരിക്കുന്നത് 100 കോടിയാണ്.