വാളയാര്‍ ടോള്‍ പ്ലാസയില്‍ നിന്ന് കുഴല്‍പ്പണം പിടികൂടി ; ഒരാൾ പിടിയില്‍

പാലക്കാട്: വാളയാര്‍ ടോള്‍ പ്ലാസയില്‍ 1.66 കോടി രൂപ കുഴല്‍പ്പണം പിടികൂടി. ആന്ധ്രപ്രദേശ് കസൂല സ്വദേശി പാര്‍ത്ഥസാരഥി (52) പിടിയിൽ. ബുധനാഴ്ച രാവിലെ 8.30ഓടെയാണ് സംഭവം നടന്നത്.

വാളയാര്‍ ടാസ്‌ക് ഫോഴ്‌സ് നടത്തിയ വാഹനപരിശോധനയ്ക്കിടെയാണ് കുഴല്‍പ്പണം പിടികൂടിയത്.

ഹൈദരാബാദില്‍ നിന്നു എറണാകുളത്തേക്ക് പോവുകയായിരുന്ന ബസ്സിലാണ് ഇയാള്‍ പണവുമായി സഞ്ചരിച്ചിരുന്നത്. തുക പാലക്കാട് ആദായനികുതി വകുപ്പിന് കൈമാറി.