സൗദിയിൽ ക​ഴി​ഞ്ഞ 20 വ​ർ​ഷ​ത്തി​നി​ടെ ഏ​റ്റ​വും കു​റ​ഞ്ഞ പൊ​ടി​ക്കാ​റ്റ് ഉ​ണ്ടാ​യ വ​ർ​ഷം 2023 ആ​ണെ​ന്ന്​ റി​പ്പോ​ർ​ട്ട്

സൗദിയിൽ ക​ഴി​ഞ്ഞ 20 വ​ർ​ഷ​ത്തി​നി​ടെ ഏ​റ്റ​വും കു​റ​ഞ്ഞ പൊ​ടി​ക്കാ​റ്റ് ഉ​ണ്ടാ​യ വ​ർ​ഷം 2023 ആ​ണെ​ന്ന്​ റി​പ്പോ​ർ​ട്ട്.ജി.​സി.​സി രാ​ജ്യ​ങ്ങ​ളി​ലെ പൊ​ടി​ക്കാ​റ്റി​നും മ​ണ​ൽ​ക്കാ​റ്റി​നും​വേ​ണ്ടി ത​യാ​റെ​ടു​പ്പ് ന​ട​ത്താ​ൻ മു​ന്ന​റി​യി​പ്പ് ന​ൽ​കു​ന്ന​തി​നും ഗ​വേ​ഷ​ണം ന​ട​ത്തു​ന്ന​തി​നും സ്ഥാ​പി​ച്ച സാ​ൻ​ഡ് ആ​ൻ​ഡ് ഡെ​സ്​​റ്റ്​ സ്റ്റോം ​വാ​ണി​ങ്​ റീ​ജ​ന​ൽ സെൻറ​റാ​ണ് റി​പ്പോ​ർ​ട്ട്​ ചെ​യ്​​ത​ത്.

2003നും 2022​നും ഇ​ട​യി​ലു​ള്ള കാ​ല​ഘ​ട്ട​വു​മാ​യി താ​ര​ത​മ്യം ചെ​യ്യു​മ്പോ​ൾ ക​ഴി​ഞ്ഞ വ​ർ​ഷം ഈ ​നേ​ട്ടം കൈ​വ​രി​ക്കാ​ൻ സാ​ധി​ച്ച​ത് സൗ​ദി ന​ട​ത്തി​യ ന​ല്ല ശ്ര​മ​ങ്ങ​ളു​ടെ ഫ​ല​മാ​ണെ​ന്ന് അ​ധി​കൃ​ത​ർ വ്യ​ക്ത​മാ​ക്കി.

പോ​യ വ​ർ​ഷം റി​യാ​ദ് ന​ഗ​ര​ത്തി​ൽ 12 ദി​വ​സ​മാ​ണ്​ ശ​ക്ത​മാ​യ പൊ​ടി​ക്കാ​റ്റ്​ വീ​ശി​യ​ത്. മു​ൻ​വ​ർ​ഷ​ങ്ങ​ളെ അ​പേ​ക്ഷി​ച്ച്​ 71 ശ​ത​മാ​നം കു​റ​വാ​ണ്. വ​ട​ക്ക​ൻ അ​തി​ർ​ത്തി മേ​ഖ​ല​യി​ലെ തു​റൈ​ഫ് ഗ​വ​ർ​ണ​റേ​റ്റ്​ പ​രി​ധി​യി​ൽ ഇ​തേ കാ​ല​യ​ള​വി​ൽ 10 ദി​വ​സം പൊ​ടി​ക്കാ​റ്റു​ണ്ടാ​യി​രു​ന്നു. ഇ​ത് 78 ശ​ത​മാ​നം കു​റ​വാ​ണ്. അ​ൽ​ജൗ​ഫ് മേ​ഖ​ല​യി​ൽ 14 ദി​വ​സം പൊ​ടി​ക്കാ​റ്റ്​ വീ​ശി. ഇ​ത് 59 ശ​ത​മാ​നം കു​റ​വാ​ണെ​ന്നും കേ​ന്ദ്രം പ്ര​സ്താ​വ​ന​യി​ൽ ചൂ​ണ്ടി​ക്കാ​ട്ടി.