മൂന്നാം വിക്കറ്റ് കീപ്പറിനും അരങ്ങേറ്റത്തിന് അവസരം നൽകി രാജസ്ഥാൻ റോയൽസ്

ഐപിഎല്ലിന്റെ 18–ാം സീസണിൽ രാജസ്ഥാൻ റോയൽസിന്റെ പ്ലേഓഫ് സാധ്യത മങ്ങിയിരുന്നു. ഇപ്പോഴിതാ കൊൽക്കത്ത നൈറ്റ് റൈഡേഴ്സിനെതിരെ ടീമിലെ മൂന്നാം വിക്കറ്റ് കീപ്പറിനും അരങ്ങേറ്റത്തിന് അവസരം നൽകിയിരിക്കുകയാണ് രാജസ്ഥാൻ റോയൽസ്. രാജസ്ഥാനിലെ കോട്ടയിൽ നിന്നുള്ള ഇരുപത്തിരണ്ടുകാരൻ കുനാൽ സിങ് റാത്തോഡാണ് ഇന്ന് ഐപിഎൽ അരങ്ങേറ്റം കുറിക്കുക. മത്സരത്തിൽ ടോസ് നേടിയ കൊൽക്കത്ത നൈറ്റ് റൈഡേഴ്സ് ബാറ്റിങ് തിരഞ്ഞെടുത്തു.

അതേസമയം പരുക്ക് പൂർണമായും ഭേദമാകാത്ത മലയാളി താരം സഞ്ജു സാംസൺ ഇന്നും പുറത്തിരിക്കുന്നതിനാൽ, റിയാൻ പരാഗ് തന്നെയാകും രാജസ്ഥാൻ റോയൽസിനെ നയിക്കുക. കുനാൽ റാത്തോഡിനു പുറമേ രാജസ്ഥാൻ നിരയിൽ രണ്ടു മാറ്റങ്ങൾ കൂടിയുണ്ട്. വാനിന്ദു ഹസരംഗ, യുധ്‌വീർ സിങ് എന്നിവരും ടീമിലെത്തി. പരുക്കിന്റെ പിടിയിലായ നിതീഷ് റാണ, ഫസൽഹഖ് ഫാറൂഖി, കുമാർ കാർത്തികേയ എന്നിവരാണ് പുറത്തായത്.