കവിൻ നായകനായി എത്തുന്ന പുതിയ ചിത്രം; കിസ്സ് ചിത്രത്തിന്റെ അപ്‍ഡേറ്റ് പുറത്ത്

കവിൻ നായകനായി എത്തുന്ന പുതിയ ചിത്രമാണ് കിസ്സ്. സതീഷ് ആണ് ചിത്രത്തിൻ്റെ സംവിധാനം നിര്‍വഹിക്കുന്നത്. ചിത്രത്തില്‍ നായികയായി എത്തുന്നത് പ്രീതി അസ്രാണി ആണ്. ഇപ്പോഴിതാ ചിത്രത്തിൻ്റെ പുതിയ അപ്‍ഡേറ്റാണ് പുറത്ത് വരുന്നത്. ചിത്രത്തിൻ്റെ ആദ്യ ഗാനം ഏപ്രില്‍ 30ന് പുറത്തുവിടുമെന്നതാണ് പുതിയ അപ്‍ഡേറ്റ്.

അതേസമയം കവിന്റേതായി ഒടുവില്‍ വന്ന ചിത്രം ബ്ലഡി ബെഗ്ഗര്‍ നിരൂപകരുടെ ശ്രദ്ധയാകര്‍ഷിച്ചിരുന്നു. ചിത്രത്തിന് മികച്ച പ്രതികരണമാണ് ഒടിടിയില്‍ ലഭിക്കുന്നത്. കവിന്റെ പ്രകടനവും പ്രശംസകള്‍ നേടുന്നുവെന്നാണ് ചിത്രത്തിന് ലഭിക്കുന്ന മിക്ക പ്രതികരണങ്ങളും സൂചിപ്പിക്കുന്നത്. ജയേഷ് സുകുമാറാണ് ബ്ലഡി ബെഗ്ഗര്‍ സംവിധാനം ചെയ്‍തത്. ബ്ലഡി ബെഗ്ഗറില്‍ രാധാ രവി, റെഡിൻ കിംഗ്‍സ്‍ലെ, പടം വേണു കുമാര്‍, പൃഥ്വി രാജ്, മിസി സലീമ, പ്രിയദര്‍ശിനി രാജ്‍കുമാര്‍, സുനില്‍ സുഖദ, ടി എം കാര്‍ത്തിക, അര്‍ഷാദ്, അക്ഷയ ഹരിഹരൻ, അനാര്‍ക്കലി നാസര്‍, ദിവ്യ വിക്രം, മെറിൻ ഫിലിപ്പ്, രോഹിത് ഡെന്നിസ്, വിദ്യുത് രവി, മൊഹമ്മദ് എന്നിവരും കഥാപാത്രങ്ങളായി ഉണ്ടായിരുന്നു. ചിത്രത്തിന്റെ നിര്‍മാണം ഫിലമെന്റ് പിക്ചേഴ്‍സിന്റെ ബാനറില്‍ ആണ്