വ്യാജ ബിരുദ സർട്ടിഫിക്കറ്റുകൾ കൈവശം വെച്ചു; സംവിധായകന്‍ അറസ്റ്റില്‍

കൊല്ലം: വ്യാജ ബിരുദ സർട്ടിഫിക്കറ്റുകൾ കൈവശംവെച്ച സംവിധായകനെ പോലീസ് അറസ്റ്റ് ചെയ്തു. കൊല്ലം പളളിക്കല്‍ സ്വദേശി അനസ് സൈനുദ്ദീനാണ് പിടിയിലായത്. കേരള സർവകലാശാലയുടെ വ്യാജ ബിരുദ സർട്ടിഫിക്കറ്റുകൾ ഇയാളുടെ കൈയിൽ നിന്നും പിടിച്ചെടുത്തു. ഇതിൽ ബിരുദ സര്‍ട്ടിഫിക്കറ്റുകളും ബിരുദാനന്തര ബിരുദ സര്‍ട്ടിഫിക്കറ്റുകളും ഉണ്ടെന്ന് പോലീസ് പറഞ്ഞു.

കന്റോണ്‍മെന്റ് പൊലീസാണ് പ്രതിയെ അറസ്റ്റ് ചെയ്തത്. പ്രേംരാജ്, എന്റെ സ്വന്തം പാറു എന്നീ ഹ്രസ്വ ചിത്രങ്ങളുടെ സംവിധായകനാണ് അറസ്റ്റിലായ അനസ് സൈനുദ്ദീന്‍. അംലാദ് ജലീല്‍ സംവിധാനം ചെയ്ത കരിമ്പടം എന്ന ചിത്രത്തില്‍ പ്രധാന കഥാപാത്രമായി ഇയാൾ അഭിനയിച്ചിട്ടുണ്ട്.