ഒമാനിലെ വിമാനത്താവളങ്ങളില്‍ ചെക്ക് ഇന്‍ കൗണ്ടറുകളില്‍ കൂടുതല്‍ ജീവനക്കാരെ വിന്യസിക്കും

മാനിലെ വിമാനത്താവളങ്ങളില്‍ ചെക്ക്-ഇന്‍ കൗണ്ടറുകളിലെ കാത്തിരിപ്പ് സമയം കുറയ്ക്കുമെന്ന് ഒമാന്‍ എയര്‍പോര്‍ട്ട്‌സ് ആക്ടിങ് സിഇഒ എന്‍ജി. ഹമൂദ് അല്‍ അലവി വാര്‍ത്താ സമ്മേളനത്തില്‍ പറഞ്ഞു. കൂടുതല്‍ ജീവനക്കാരെ ചെക്ക് ഇന്‍ കൗണ്ടറുകളില്‍ വിന്യസിക്കും.

വിമാനത്താവളത്തിലെ നിരീക്ഷണ സംവിധാനങ്ങള്‍ വഴി സമയവും ക്യൂവിലുള്ള യാത്രക്കാരെയും നിരീക്ഷിച്ചാണ് കൂടുതല്‍ സ്റ്റാഫിനെ വിന്യസിക്കുക.കാത്തിരിപ്പ് സമയം കുറവാണെങ്കില്‍ നീണ്ട ക്യൂകള്‍ ഒരു ആശങ്കയല്ല. എന്നാല്‍ ക്യൂവും കാത്തിരിപ്പും നീളമുള്ളതാകുന്നത് സ്വീകാര്യമാകുന്നതല്ല. അത് കുറയ്ക്കാന്‍ ഞങ്ങള്‍ പരമാവധി ശ്രമിക്കുമെന്നും അദ്ദേഹം പറഞ്ഞു.